Maikel Nabil Sanad

17 February 2011

البابا شنودة ، و تاريخ طويل من نفاق الحكام



البابا شنودة ، و تاريخ طويل من نفاق الحكام
أوراق من تاريخ خيانة الكنيسة للشعب المصرى

البابا شنودة ( 88 عام ) ، يشغل أعلى منصب فى الكنيسة القبطية الأرثوذكسية ، يشغل منصبة منذ عام 1971 ( أى منذ 40 عام ) . عاصر أثنان من رؤساء مصر ، فقد عاصر كبطريرك طول فترة السادات ( حوالى 10 سنوات ) و بعدها طول فترة مبارك ( حوالى 30 سنة ) ، و يعيش حاليا فترة حكم المجلس الأعلى للقوات المسلحة ، و سيعيش فترات الحكام القادمين ، فالبابا شنودة لن يترك كرسية حتى الموت !!!

البابا شنودة له تاريخ طويل فى تملق الحكام و مراءاتهم ... حيث شارك هو و قيادات الكنيسة فى دعم نظام مبارك ، و توظيف الدين لصالح أستمرار أستبداد مبارك ( الأزهر و السلفيين و مجلس الطرق الصوفية فعلوا نفس الشئ ) ... طوال عصر مبارك كان يتم أستخدام الكنائس كأماكن للمؤتمرات الأنتخابية لأعضاء الحزب الوطنى ، و كانت المؤسسة الكنسية تستغل أحترام المسيحيين لها فى توجية المسيحيين للتصويت لمبارك و لحزبه الوطنى

البابا شنودة له قدسية كبيرة لدى المسيحيين فى مصر ... قد يكون أقدس من المسيح لدى الكثير منهم ... كثيرون يقرأون كتبه أكثر مما يقرأون الكتاب المقدس ... و لأن النقاش مع أفراد يعيشون بمفهوم " البقرة المقدسة " هو موضوع مرهق و يستنزف الوقت ، فسأكتفى هنا بعرض الوثائق التى تفضح نفاقه للحاكم و أستخدامه للدين لخدمة الحاكم ... و من له أذنان للسمع فليسمع !!

وثيقة رقم 1
28 سبتمبر 1993
البابا شنودة و 50 من أعضاء المجمع المقدس يؤيدون ترشيح مبارك لفترة رئاسية ثالثة ، و يمدحون ما نشرة مبارك من ديموقراطية و حرية رأى !!!! ، و يدعون المسيحيين للذهاب للأدلاء بأصواتهم يوم الأستفتاء

وثيقة رقم 2
29 مايو 1999
البابا شنودة و 66 من أعضاء المجمع المقدس يؤيدون ترشيح مبارك لفترة رئاسية رابعة ، " نظرا لما عاشته مصر تحت قيادته ، تنعم بالديموقراطية و حرية الرأى و السلام الأجتماعى !!! " ... و عنوان البيان " مبايعة الرئيس محمد حسنى مبارك " ، أليست المبايعة تعبير أسلامى ؟ فهل تأسلم البابا ؟ ... سبحان مبارك موحد الأديان

وثيقة رقم 3
2005 – قبل فتح باب الترشيح للأنتخابات الرئاسية
البابا شنودة و 71 من أعضاء المجمع المقدس يوقعون على وثيقة يناشدون فيها الرئيس مبارك بالأستجابة لرغبات الجماهير بترشيح نفسه للرئاسة فترة خامسة . ( أعتقد أننا نحتاج أن نبحث من هم الأساقفة الشرفاء الذين لم يوقعوا على هذة الوثائق المخزية ؟ )
 

وثيقة رقم 4
27 سبتمبر 2005
البابا شنودة فى الولايات المتحدة ، يسمع خبر ترشيح مبارك لنفسة لفترة خامسة ، فيرسل له رسالة تأييد و تهنئة من أمريكا ... و البابا يتحدث بصفه الجمع " نؤيدك بكل قلوبنا " ، أى أنه يتحدث بأسم المسيحيين ، أو بأسم رجال الكنيسة فى أدنى تقدير

وثيقة رقم 5
11 أبريل 2010
الأنبا بيشوى ( سكرتير عام المجمع المقدس – الرجل الثانى فى الكنيسة ) يصرح فى المصرى اليوم بأن الكتاب المقدس يدعو لتأييد الرئيس مبارك ، و يقول أنه لا يستبعد وجود تنسيق بين الكنيسة و الحزب الوطنى بخصوص الأنتخابات ، و فى تصريحاته يساهم فى تلميع جمال مبارك
من بين تصريحاته : " والانطباع الذى نأخذه من الكتاب المقدس أنه ليس من تعاليم المسيحية أن نخرج على الحاكم أو نحاول تغيير نظام الحكم، والعلاقة بين البابا والرئيس مبارك علاقة تسودها المحبة الشديدة والتقدير الكبير. "


وثيقة رقم 6
31 يناير 2011
كانت ثورة اللوتس قد أندلعت منذ ما يقرب من أسبوع ، و لكن البابا شنودة يتصل بالرئيس ليدعمه و يقول له " أحنا معاك " ( لاحظوا الحديث بصفة الجمع ) ، ثم يصرح فى التليفزيون أن المسيحيين لم يشاركوا فى الثورة !!!!

وثيقة رقم 7
15 فبراير 2011 - بعد نجاح صورة اللوتس فى التخلص من مبارك
البابا شنودة ، مع لجنة مصغرة من أعضاء المجمع المقدس ، يعلنون تأييدهم للمجلس الأعلى للقوات المسلحة ، و يتملقونه ... عاش الملك ، مات الملك !!!


خاتمة
لمن يبحثون عن أعذار للبابا شنودة ، أذكرهم بجملة الكتاب المقدس : أنت بلا عذر أيها الأنسان
و للبابا شنودة أقول : مبارك كان عنده دم و تنحى

المراجع
- وثيقة رقم 3 و 4 و 7 : الموقع الشخصى للبابا شنودة
- وثيقة رقم 6 : جريدة الشروق المطبوعة

موضوعات ذات صلة

31 comments:

Anonymous,  18/02/2011 19:10  

الله عليك يا مايكل . بس انا شايف ضروري جدا نعرف مين الاساقفة اللي ممضوش . همه دول اللي المجتمع كله لازم يدعمهم . لإن اللي زي شنودة و شيخ الازهر و المغتي و شيوخ الفضائيات السلبيين خطر على المجتمع كله مش على اتباعهم بس . و احنا كمسلمين معندناش فرصة نعرف مين الاساقفة الاحرار . يا ريت البوست الجاية تبقى عن ناس محترمين من جوة الكنيسة و انا متاكد انهم كتير جدا . و انا اول واحد حادعمهم .

هاني مصطفى

Anonymous,  18/02/2011 21:14  

كلامك كله عك وهبل مش عارف ايه هي الخيانة الكنيسة مع الشرعية يا استاذ ولا المفروض البابا يدعو للانقلاب علي الحاكم انا ضد تدخل الدين في السياسة ولكن موقف الكنيسة يحمل الخوف من ما بعد مبارك وكان مبارك ينظر له من كثير من المسيحيين انه صمام امان من الاخوان او المتطرفين الاسلاميين وايه العيب ان الكنيسة تؤيد الجيش المصري او تؤيد المطالب التي نادي بها الشعب يوم 25 يناير اخيرا انا ضد تدخل الدين في السياسة ولكن عندما تتكلم عن البابا والكنيسة يجب ان يكون باحترام اكثر او لا شأن لك وامثالك بعلاقة الكنيسة بشعبها لانك لست من شعبها

tnt007 19/02/2011 16:47  

الخوف من ما بعد مبارك!! الغزاعة الجديدة للحزب الوطني
أرجو السرعة في القضاء علي ذيول الحزب الوطني في كل ربوع مصر ومؤسسات مصر من محليات ومحافظات حتي يتم القضاء علي أخراج الفزعات التي يخلوقنها وينشرونها بيننا بصورة يومية ومستمرة
طارق المحلاوي

Anonymous,  19/02/2011 20:20  

اتفق معاك فى كل كلمة

لكن عايز ادور على "الدافع"
هل هو تملق
ولا مشى جنب الحيط

Anonymous,  20/02/2011 14:54  

انت شخصية قذرة وتتلاعب بالاحداث

Anonymous,  29/03/2011 14:45  

انا مسيحي ومعاك في كلامك 100% يا مايكل

Anonymous,  29/03/2011 15:10  

كلام حق يراد به باطل
ولكن لم تذكر لماذا اعتقل البابا وحدد اقامته بدير الانبا بيشوي في اخر عهد السادات

Anonymous,  29/03/2011 16:16  

انت شخصية لا تعرف اى شئ عن دينه او وطنه ولا يشرف اى انسان مسلم كام او مسيحى ان يذكر انه على دينك الله يديلك على اد عقلك ونيتك

Anonymous,  29/03/2011 18:06  

اعتقد انك اول مصري (مسيحي و مسلم) يجروء على ان ينتقد البابا شنودة بهذا الشكل
و اتهامك موجه الى كل المجتمع الكنسي و اللي يرأسه البابا ...

Anonymous,  29/03/2011 18:17  

تحية لك..ونتمنى ان يفهم المصريين ويعوا جدا لهذا الكلام فالديكتاتورية اصابت كل المؤساسات سواء دينية او سياسية فأصبح عندنا ماكيت صغير للحكام الديكتاتورية فى كل المؤسسات الدينية سواء ازهر, سلفى, كنيسة العصور الوسطى.. نتمنى ان تخرج مصر من عصور الظلام ديةو نبدأ عصر جديد.

Anonymous,  29/03/2011 19:28  

يا جماعة هو البابا شنودة مش بني ادم وممكن انو يغلط , انا قبطي ومعالي كتب الكلام ده , وارجو لا تقدسو البابا شنودةعشان ده مش كويس, احنا بنعبد الله مش البابا
شكرا
فؤاد.

egypt 29/03/2011 19:44  

- عموما المقال مش لاقي كلمة تناسبه سوي ( قلة ادب ) مثلما قيلت كذا مرة داخل المقال .. لان الفاظ مثل ( خيانة الكنيسة للشعب المصري ) و ( البابا والنفاق للحكام ) و ( غيره ----اما بالنسبة لجهل الكاتب المحترم -- ده لو كان مسيحي اصلا -- هل البابا له ان يتنحي مثلا ...؟؟؟ القول بان البابا اقدس من السيد المسيح ...!!! -- فلا اجد وصف لهذه الحالة لدي الكاتب سوي انه اما جاهل او يريد تفسيم الكنيسة مثلا ... ---------- بخصوص الدين والسياسة كنت من اشد المعترضين علي تدخل البابا في السياسة وده كان من 2005 عندما ذهبنا انا واصدقاءي لانتخاب رئيس جمهورية وعلمت ان منهم من انتخب ايمن نور ففرحت بحرية التفكير والاختيار -ولكني وقتها كنت مقتنع بمبارك وكنت فقط اجد بعض من حاشيته هم الفاسدين ( لم يكن ظهر علي الساحة عز وامثاله ) لذا كنت اختار مبارك ولكن مجلس الشعب اختار ولو اخوان مش فارقة كثير ---اللي عايز اقوله نعم نصحح علي البابا بعض الاراء السياسية لانه انسان ولكن لا اعتقد منا من هو قادر علي تصحيح تفسيرات روحية .... فلا ننسي من هو البابا ... وهو خليفة مارمرفس الرسول ------ ارجو ان ننتبه في نقدنا لشخصية سيتذكرها التاريخ المصري والتاريخ الكنسي --- اما لو كنت غير مؤمن بالباباوية او بحكمة ربنا لحياتنا وطقوس اختيار للبابا __ فهذا شئ ااخر وانت لك مطلق الحرية -- اخر شئ -- نحن لا نعلم ارادة الله ولكننا نسعي للافضل وفي نفس الوقت يجب ان يتكون خطواتنا بعد صلاة لتسليم حياتنا للمسيح ليقودها -- لتكن لا ارداتي بل ارادتك

Anonymous,  29/03/2011 21:37  

I'm sry ya Michael bas kalamk kollo ay kalam el sara7a !
و أنا كنت قرأت مقالك بعنوان الجيش و الشعب عمرهم ما كانوا ايد واحدة لكن الان غيرت رأيي فيك يعد ان كنت احترمتك جدا
اولا: لا يمكنك التعدي علي البابا شنودة أو اي رمز ديني اخر بهذة الصورة
ثانيا: مش مطلوب من الكبيسة انها تعمل انقلاب علي الحاكم ولا انت رأيك ايه ؟ و انت متعرفش ليه البابا مكنش بيقول حاجة وحشة علي حسني مبارك و حتي بعد ما مشي , الفكرة ان احنا ف مصر أقلية ده احنا كدة و احنا كافيين خيرنا شرنا بيبهدلوا فينا , اامال بقي لو كان قال فيه كلام مش كويس و لا عمل عليه انقلاب ؟!! البابا احكم منك و مني و من كل الناس علشان ربنا مديله الحكمة دي
ثالثا: مين قال ان الناس بتتعامل معاه علي انه السيد المسيح , هو ف كهنوته و مكانته صورة الله علي الأرض و لكن متخفش عندنا مخ نفكر بيه لسة و صاحيين يعني مش أي حاجة هيقول عليها هنسمعها و خلاص متقلقش
رابعا : لو البابا فعلا كان متملق و منافق للحكم .. ليه السادات اعتقله و حدد اقامته ؟؟

خامسا: احنا دينا علمنا نصلي من أجل الكل و نحب الكل ده احنا حتي في القداس بنقول احفظ يا رب رئيس هذا البلد ( بغض النظر هو مين يعني ) ولا رأيك ايه ؟
في حاجات كتير كانت خفية علينا كلنا في النظام السابق و ياريت معملش حسابك ان البابا كان عارف يعني و مخبي عليك ! علشان مش كل حاجة كانت معروفة
و شكرا
عندي منك طلب : يا ريت متكررش النوع ده المقالات تاني علشان بيقلل من قيمتك الثقافية و الأدبية للأسف
ربنا معاك

foregypt2025 30/03/2011 12:43  

برافو يا مايكل
انت مش لوحدك اللي شجاع وكلنا زيك وبنأيد كلامك
وفي كتير ماعلقوش على الموضوع لكن موافقين على الكلام
علشان كده طول عمرنا بنقول بلاش ندخل الدين ورجاله في السياسة
مسيوا خدمة الفقرا وبقى همهم بناء حيطان البحث عن الشهرة وخلاص

Anonymous,  30/03/2011 15:04  

7lal feek elly et3aml ... enta 5osara teb2a mase7y !! :((((((((( ana 7azen 3aleek bgd

Anonymous,  30/03/2011 16:48  

بص يا مايكل اولا مينفش نهاجم رمز ديني بالطريقه دي وضدد مبدا تخوين الكنيسه انا في كنستي عمرهم مقالوا انتخبوا الحزب الوطني اللي كانوا بيقلوا انتخبوا ده وده لاء وطبعا الناس الكبار هما اللي بيسموعوا الكلام لكن اغلب الشباب بيختارو اللي هما عايزونوا نفس اللي حصل في الاستفتاء الاخير من قبل الاخوان والسلفين علي فكره انا ضدد البابا شنوده جدا في تصريحاته في الفنره الاخيره وانه قال رايه الشحصي ان احنا مننزلش المظاهرات والكلام ده واللي ضايقني اكتر البيان الاخير اللي انت ناشره بس الكتاب المقدس بيامرنابالصلاه من اجل الحكام
ثانيا بالنسبه للوضع اللي احنا فيه حاليا من اضطهاد زاد ومشاكل اكتر وهد وحرق الكنايس اعتقد اني فهمت ليه البابا كان مؤيد لمبارك !!! وارجوك اقراء المقال ده
http://www.christian-dogma.com/vb/showthread.php?t=83290

Anonymous,  30/03/2011 19:03  

يبدو انك لا تمت باى صلة للكنيسة لسبب بسيط ...هل البابا يتنحى ؟؟ الا تعلم انة جالس على الكرسى المرقصى حتى الوفاة ودة فى تعاليم الكنيسة ..مجرد ماقولت انة يتنحى يبقى اعرف على طول انك مش بتخش كنيسة ...شكرا

Anonymous,  31/03/2011 10:00  

أنت سافل و مش مسيحى ولآ مسلم ولآ يهودي أنت محصلتش حتى تكون انسان ولزم الجيش الذى انت خايف تتجند فيه علشان انت عيل مش أكتر حيعلمك الأدب لما تتكلم عن البابا شنوده

Anonymous,  31/03/2011 10:14  

كس امك يا خول

Anonymous,  31/03/2011 16:59  

الحقيقة إن الرد على كلامك محتاج لوقت طويل شوية!! وإنشاء الله هيحصل لكن مبدئياً من القراءة السريعة لكلامك أقدر أقول رد بسيط مبدئياً " أنت غبى " .
فلان الفلانى

Anonymous,  03/04/2011 14:03  

مين انت يا حيلتها علشان تيجى تتكلم على رجل الله قداسة البابا شنودة الثالث ، وإذا كانت كتب قداسة البابا مضايقاك ، فهى نابعه من الكتاب المقدس.

يا ريت تتعظ من اللى حصلك وتعرف إنها نتيجة للاساءة بقديس زى قداسة البابا شنودة.

Anonymous,  03/04/2011 14:08  

مين انت يا حلو يا حيلة بباك و مماتك علشان تتكلم على قداسة البابا شنودة الثالث

ربنـــــــــــــــــا يسامحك
ربنـــــــــــــــــا موجود

Anonymous,  03/04/2011 23:16  

زي ما انتا بتتكلم بشواهد من الكتاب المقدس وبتفسره بطريقه غلط طبعا وهقولك ليه دلوقتي هارد
عليك برده من الكتاب المقدس
انت بتقول "البابا شنودة ( 88 عام ) ، يشغل أعلى منصب فى الكنيسة القبطية الأرثوذكسية ، يشغل منصبة منذ عام 1971 ( أى منذ 40 عام ) . عاصر أثنان من رؤساء مصر ، فقد عاصر كبطريرك طول فترة السادات ( حوالى 10 سنوات ) و بعدها طول فترة مبارك ( حوالى 30 سنة ) ، و يعيش حاليا فترة حكم المجلس الأعلى للقوات المسلحة ، و سيعيش فترات الحكام القادمين ، فالبابا شنودة لن يترك كرسية حتى الموت !!!
"
كلامك معناه انك بتقول كفايه كده للبابا شنوده يعني مش بتنفذ كلام ربنا. الكتاب المقدس بيقول
" "اخش الرب بكل نفسك واحترم كهنته" (سفر يشوع بن سيراخ 7: 31)


"نَفَخَ وَقَالَ لَهُمُ:«اقْبَلُوا الرُّوحَ الْقُدُسَ. مَنْ غَفَرْتُمْ خَطَايَاهُ تُغْفَرُ لَهُ، وَمَنْ أَمْسَكْتُمْ خَطَايَاهُ أُمْسِكَتْ" (إنجيل يوحنا 20: 22، 23)

ربنا اداله السلطان ان يغفر الخطايا بنفخه الروح القدوس هاتيجي انتا ياانسان تدينه وتنسي كلام ربنا اللي بيقول "لا تدينوا كي لا تدانوا" متي الاصحاح السادس
ساعتها انتا اللي هيتقلك انتا بلا عذر ايها الانسان انا قولت احترموا ولا تدينوا وانتا مش سمعت اذا انتا
بلا عذر
انتا قولت "البابا شنودة له تاريخ طويل فى تملق الحكام و مراءاتهم ... حيث شارك هو و قيادات الكنيسة فى دعم نظام مبارك ، و توظيف الدين لصالح أستمرار أستبداد مبارك ( الأزهر و السلفيين و مجلس الطرق الصوفية فعلوا نفس الشئ ) ... طوال عصر مبارك كان يتم أستخدام الكنائس كأماكن للمؤتمرات الأنتخابية لأعضاء الحزب الوطنى ، و كانت المؤسسة الكنسية تستغل أحترام المسيحيين لها فى توجية المسيحيين للتصويت لمبارك و لحزبه الوطنى"

البابا مش بيتملق الحاجات اللي انتا قولت عليها دي بس البابا بينفد اللي في الكتاب المقدس

َعبْدُ الرَّبِّ لاَ يَجِبُ أَنْ يُخَاصِمَ، بَلْ يَكُونُ مُتَرَفِّقًا بِالْجَمِيعِ، صَالِحًا لِلتَّعْلِيمِ، صَبُورًا عَلَى الْمَشَقَّاتِ، مُؤَدِّبًا بِالْوَدَاعَةِ الْمُقَاوِمِينَ، عَسَى أَنْ يُعْطِيَهُمُ اللهُ تَوْبَةً لِمَعْرِفَةِ الْحَقِّ، فَيَسْتَفِيقُوا مِنْ فَخِّ إِبْلِيسَ إِذْ قَدِ اقْتَنَصَهُمْ لإِرَادَتِهِ" (
رسالة بولس الرسول الثانية إلى تيموثاوس 2: 24-26

انتا بتقول"البابا شنودة له قدسية كبيرة لدى المسيحيين فى مصر ... قد يكون أقدس من المسيح لدى الكثير منهم ... كثيرون يقرأون كتبه أكثر مما يقرأون الكتاب المقدس ... و لأن النقاش مع أفراد يعيشون بمفهوم " البقرة المقدسة " هو موضوع مرهق و يستنزف الوقت ، فسأكتفى هنا بعرض الوثائق التى تفضح نفاقه للحاكم و أستخدامه للدين لخدمة الحاكم ... و من له أذنان للسمع فليسمع"

احنا مش بنحترم زي ما قولت كاحترام البقره المقدسه ولكن لتنفيذ تعاليم ربنااللي قال في
الكتاب المقدس
"أطيعوا مرشديكم وأخضعوا لأنهم يسهرون لأجل نفوسكم"(عب 13: 17)
شوفت بقي البابا شنوده اب صالح علمنا كلام ربنا ازاي

ومن له اذنان للسمع فليسمع ربنا قصده فليسمع كلام ربنا مش كلام العالم احنا ابناء النور يامايكل

فكرتني ايام البابا كيرلس لما بقي بطريرك فيه ناس زي حضرتك قعدوا يقولوا دا جاهل ومش متعلم علشان البابا كيرلس كان معاه ثانويه بس وكانوا بيشتموه في الصحف والجرائد بس هو مش كان بيرد لان اللي وضعه وجعله بطريرك هو اللي هيرد عليهم وفعلا ربنا خد حق البابا كيرلس والجرائد اللي كانت بتشتموه الحكةمه قفلتها علشان شتمت الحكومه بس ياتري عارف ايه رد البابا كيرلس رده كان انه زعلان لان فه ناس كانت شغاله في الجريده ودي الحاجه الللي بتجيب منها فلوس تصرف علي اولادها يعني فاتحه بيوت يعني

Anonymous,  04/04/2011 10:53  

البابا قديس حكيم ربنا يديله حكمة للتعامل مع ظروف صعبة جدا لو كان عمل بالطريقة الثورية بتاعت حضرتك كان زماننا في خبر كان من زمان
و في نفس الوقت لا يتعامل بضعف عمره ما اتنازل عن مبدأ كنسي علشان يتملق حد و الدليل انه رفض القضاء الزواج التاني للمسيحيين لكن وقف بقوة اسد امام حكم ينافي المسيحية و الانجيل
و له مواقف كتيريحكيها التاريخ و لو كان متملق كان ليه اتحدد اقامته زمان على ايد السادات
اقرا التاريخ كويس مش لازم يتصرف زي ما انت شايف علشان يكون بيتصرف صح
و عموما انت غلطت في سيدنا البابا يبقا ربنا معاك بقا

Anonymous,  07/04/2011 12:10  

مايكل مع احترامى لكلامك و افكارك ولكن للاسف انا اشعر بسطحية الموضوع
اولا انا اشعر انك لست على دراية كاملة بالموضوع الذى انت تتكلم فيه و الافظع من ذلك انك لست على دراية بتعاليم الكنيسة فالبابا شنودة ليس له منصب هو اب وراعى هل ممكن فى يوم ان تقول لابيك ان يتنحى و نحن نحترمه و نقدسه لانه وكيل المسيح على الارض اى سر احترامنا له هو المسيح بمعنى اخر حينما احترم البابا فانا احترم المسيح شخصيا
ليس عيب ان تكون ليس لديك معرفة كافية ولكن العيب و الغير مقبول ان تتكلم فى ما لست تدرى او تعرف
عالعموم شكرا على موضوعاتك

Anonymous,  08/04/2011 20:30  

اكيد انا مش معاك ورائي انك شخص تافهه .بس انا برد علي اللي بيقول ان شنوده منصب راعي ..طب هو مش بشر؟ مش بيخطا؟؟ مش ليه هفوات زي اي شخص؟ هل هو ملاك معصوم من الخطا؟ اذا كنت مقتنع بصحه اسئلتي لماذا تركع له وتقبل يده؟اليس الدين من الله والي الله؟ هل تحتاج في صلتك لله الي وجود شخص معين راعا لهذه الصله؟؟ شيخ الازهر ومفتي الجمهوريه مجرد اشخاص عادييين يخضعوا للحساب اذا ما اخطئوا والمسلميين لا يركعون الا لله الواحد الاحد ............

Anonymous,  11/04/2011 21:10  

بعد التحية.
تأثرت بخبر اصدار المجلس العسكرى لحكم الحبس عليك..وأتمنى لك الخير
واسمح لى بتعليق..
تقول (البابا شنودة لن يترك كرسيه حتى الموت)
والرد: أن منصب البابا لو تعلم هو منصب روحى تم عن طريق ترشيحه ثم اجراء قرعة علنية يعنى كتبوا اسمه مع اخرين تم ترشيحهم وسحب احد الاطفال ورقة أمام الناس بعد اجراء الصلوات لطلب ارشاد الله .
وهو ليس منصب سياسى فيه تنحى او استقالة...يعنى حتى لو كان البابا لا يقدر بسبب التعب أو المرض على مشاق المنصب فهو لا يجوز له ان يترك المنصب مثله مثل الأب الذى لا يجوز له ان يستقيل من رعاية اولاده.

ثانيا تقول ان البابا له تاريخ طويل فى تملق الحكام
والرد: ان قداسة البابا شنودة عاصر الرئيس السادات ومعروف لكثيرين صدام السادات معه وتحديد اقامته وعزله له...ولو كان البابا منافقا لعرف كيف يسترضى السادات ويكسب رضاءه بالتملق كما تدعى.
بالنسبة الى مبارك أقول هناك فرق بين ان تنافق طمعا فى مصلحة لك وبين أن تجبر على المهادنة لمصلحة اولادك...وإلا فما هى المصلحة الشخصية التى جناها البابا من تملقه كما تدعى...هل
كان يطمع فى منصب وزارى ام فى مبلغ من المال..!!..
يعرف كثيرين كيف يستطيعون ان يأخذون أولادك وكل عائلتك وراء الشمس حتى ترضخ وتهادن
أو على الاقل يهددونك بذلك وبما هو أكثر...أتراهم يفعلون ذلك بالافراد العاديين ولا يمارسون ذلك مع البابا ومع كثيرين ...؟!!
ثالثا: تقول ان البابا اقدس من السيد المسيح عند الكثيرين منا
والرد: جيد انك تعلم أن المسيحيين يحبون البابا ويقرأون كتبه ...ولكن البديهى انك تعرف كما يعلم جميع المسيحيين ممن تخطوا السنوات الاولى من عمرهم..ان البابا هو انسان وأن السيد المسيح هو الله
ولا مجال عند اى شخص عاقل للمقارنة أو التعارض بين محبته لانسان ومحبته لله وعبادته له

رابعا: بغض النظر عن صحة الوثائق..
المختصر المفيد انها تعلن تأييد الرئيس وتقول بوجود انجازات له ...
والرد: من يقول ان الرئيس ليس له انجازات...ولو كانت حتى انجازات صغيرة وسط سلبيات متعددة
على الاقل لو قارننا عصره بما حدث فى عصر السادات أو بعض ما كان يحدث أيام عبد الناصر

وماذا لو ان البابا يرى تاييد الرئيس لانه أفضل البدائل المطروحة ...
ماذا لو جاهر بمعاداته ورفضه ...ماذا سيترتب على ذلك وما هى نتائجه على كل الشعب القبطى
فرق بين ان تكون فردا مسئولا عن نفسك وان تكون مسئولا عن أكثر من اثنى عشر مليون بنى ادم
ستسأل امام الله ان تم البطش بهم بسبب ارائك وادعائك البطولة الزائفة
(ملحوظة: الكنيسة فى البيان لم توصى بانتخاب الرئيس او تكفر من يرفض ترشيحه)

وتتكلم فى عنوان المقال عن خيانة الكنيسة
والرد: ان الكنيسة مشهود لها من اخوتناالمسلمين ومن المسيحيين بوطنيتها ..لم نر يوما مسيحيى جاسوس أو مسيحى خرب فى البلد او اثارها ...وان كنت تدعى ان تأييد الكنيسة للرئيس هو خيانة..احب ان انبهك ان هناك العديد ممن اعرفهم منهم المسسيحيين والمسلمين يحبون الرئيس السابق ويتعاطفون معه...وعلى الرغم من موقفى المعارض واعتراضى لا ينبغى لى ان اتهمهم بانهم خونة.

أخيرا بخصوص اهاناتك للبابا التى تناثرت فى مقالك.. اود ان اقول لك
انك تستطيع ان تنتقد أفعال من لا يعجبك افعاله ولكن لماذا تهينه ؟!!

ربنا يسامحنا كلنا ويرحمنا وشكرا لسعة صدرك

Anonymous,  11/04/2011 23:41  

حزين عليك علشان تتسجن لكن لما تحب تتكلم عن البابا تتكلم باحترام لانه الراجل ربنا اعطاه حكمه و ده كان ظاهر في كتير من المواقف علي مر السنوات و رغم سنه الكبير و و ضعف صحته الا انه بيذل مجهود كبير علشان شعبه و طول عمره صمام امان و لما اتحددت اقامته بسبب السادات ربنا اتصرف مع السادات و غيرها اتمني انك تخرج بالسلامة و تعبر عن رأيك باحترام للكل

Anonymous,  12/04/2011 01:25  

علي فكرة انا مسلمة و اسفة اني اكون تطفلت عليكم بس بجد انا اتضايقت قوي من المقال و حزنت لاني بصراحة بحب البابا شنودة و باجده انسان عاقل و حكيم جدا و انا اقرب الناس ليا مسيحيين و عارفة مكانة البابا عندكم بس انا باتكلم عن نفسي بس بجد المقال مش حلو و مقدرش اقول اكتر من كده لان الموضوع يخصكم بس بجد انا زعلانة علي البابا انه يتقال عليه كده من واحد من ابناؤه و بتمني له الشفاء حتي لاتفقد مصر اخر الرجال المحترمين لانهم خلاص بيروحوا واحد ورا التاني بغض النظر عن دياناتهم و للاسف لن يبقي في مصر الا امثال مايكل و اسراء و اسماء واحمد و ساعتها يبقي فعلا لكي الله يا مصر

Anonymous,  12/04/2011 03:43  

انا اعترض علي كثير من قرارات البابا ولكني احترمه لانه رأس الكنيسة فهو مسيح الرب كما قال داود النبي . انت يا سيادة المحترم مايكل نبيل لم تكن معاصرا للسادات ولم تري كيف كان يريد افتراس الكنيسة ومدي معاناة البابا . لم تعش الالام التي عاشاها وهو يري اولاده يذبحون في الكشح واسكندرية وغيرها . وكيف بحكمته منع حدوث حرب اهلية بين المسيحيين والمسلمين . نحن نختلف مع البابا شنودة في كثير من الاشياء ولمكننا لانهينه ولا نتطاول عليه . نقول رأينا ونطلب منه الاصلاحات ولكننا لا نتطاول عليه
شنودة اسكندر

Anonymous,  12/04/2011 04:43  

كاتب المقالة دى شخصية زبالة .. وربنا اهو قرص ودنك قرصة صغيرة بالحبس 3 سنين وبيعطى لك فرصة علشان تتوب.. بس بجد ربنا عادل ياسافل

Post a Comment

عبر عن رأيك بحرية من خلال خاصية التعليقات . تعليقك يشجعنى على الأستمرار
التعليقات المنشورة تعبر عن آراء أصحابها

Search

Add to Favorites

Share / Save

Share/Save/Bookmark

Recent Visitors

Site Counter

Share it

Alexa Rating

  © Blogger templates The Professional Template by Ourblogtemplates.com 2008

Back to TOP