Maikel Nabil Sanad

08 January 2011

لماذا حطمت الكنيسة القس فيلوباتير جميل ؟


القس فيلوباتير جميل ، كان المشرف على أصدار دورية " الكتيبة الطيبية " اللى كانت بتصدر عن كنيسة " العذراء و البابا كيرلس بعزبة النخل " ... أبونا فيلوباتير كان معروف أوى فى 2005 ، لأنة كان عضو فى حزب الغد ( مع أيمن نور ) و ظهر كتير معاه فى مؤتمرات الحزب ... كان بيكتب فى " الكتيبة " تحت أسم مستعار " الأب فينحاس نصرانى "

فى العدد رقم 11 - الصادر فى يوليو 2005 ، كتب مقاله الرائع " الأقباط بين مطرقة الحزب الوطنى و سندان الإخوان المسلمين " ... المقال دة بيفضح فية لعبة النظام المصرى لتدجين المسيحيين فى مصر ، و بيكتب فيه قايمة بكل الأحداث الطائفية اللى حصلت فى عهد مبارك ، و اللى كلها متحاكمش فيها أى حد ... أبونا فيلوباتير كان هدفة يحطم الفكرة التقليدية اللى بيروجلها النظام و الكنيسة أن الحزب الوطنى هو اللى بيحمى المسيحيين ، و أن المسيحيين أحسنلهم ينتخبوا الحزب الوطنى و إلا الأخوان هيوصلوا للحكم و يضطهدوا المسيحيين ... أبونا فليوباتير قال أن الاخوان و الحزب الوطنى وجهين لعمله واحدة

بعد المقال دة أتعرض أبونا فليوباتير لمحاكمات كنسية عنيفة ( محكمة تفتيش بمعنى أدق ) ، و تم أيقافة عن الخدمة الكهنوتية ( شغلانتة و أكل عيشة ) لمدة سنتين ... و هو للأسف ، رضخ و خنع ليهم ، و نشر بعد كدة تصريحات بيعتزر فيها لمحمد حسنى حمارك ، و عرض أنه ينشر أعلانات فى الجرايد تأييد لمحمد حسنى مبارك فى أنتخابات 2005

اللى هيقرا المقال هيلاحظ أن دة نفس الخط بتاع مقال كريم عامر " بايعوا الرئيس مبارك ... أميرا للمؤمنين !! " ... نفس أسلوب فضح التحالف بين السلطة و الأصولية الإسلامية ... و حصل مع كريم نفس اللى حصل مع القس فيلوباتير ... كريم أتسجن لأنة مضعفش زى أبونا فيلوباتير ( أتسجن بتهمة سب رئيس الجمهورية ) ... أعتقد ضرورى كلنا المفروض نكون متشوقين أننا نعرف أية الفكرة اللى النظام مش عايز حد فينا يعرفها ، و اللى بسببها سجنوا كريم و واجهوا فيلوباتير بكل حزم و شدة

الهدف من نشرى للمقال ، هو أنى أكشف للمسيحيين أزاى كنيستهم متواطئة ضدهم ... أزاى كنيستهم بتحامى عن الحزب الوطنى ، و بتقف جنب اللى بيضطهد المسيحيين ... أزاى كنيستهم متعمدة تغمى عنيهم عن الحقايق ... لازم المسيحيين يكونوا عارفين أن البابا و حاشيته غير أمناء على مصلحة المسيحيين ، و أن المسيحيين عمرهم ما هياخدوا حقهم طول ما هما بيسمعوا كلام البابا من غير ما يفكروا فيه ... أنا هنا بكشفلكم الحقايق ، و كل واحد عقله فى راسة يعرف خلاصة

مقال القس فيلوباتير
الأقباط بين مطرقة الحزب الوطنى و سندان الإخوان المسلمين

خبر أيقاف القس فيلوباتير - العدد 12 - أغسطس 2005

نص الحوار مع القس فيلوباتير ، اللى بيقول فية أنه عرض على الكنيسة نشر تأييد فى جريدة الأهرام للرئيس حسنى مبارك ( ياترى أزاى غير رأية من النقيض للنقيض فى أقل من شهر ؟ ) - العدد 12 - أغسطس 2005

مقالات ذات صلة

2 comments:

Amgad 06/02/2011 21:59  

بص كلامك مش حقيقى عشان اللى كان سبب وقف ابونا فيلوباتير لمدة سنتين مش مقاله فى سيادة الرئيس .. كان مقال بيكذب فيه النائب العام انت متعرفش مين هو ابونا فيلوباتير غير من الجرائد و الصحف و مش من حقك انك تتكلم عليه وتقول ان هو ضعف .. ثانيا مين قالك ان المسيحين كلهمم موافقين على بقاء السلطة متمثلة فى حسنى مبارك .. نحن نخضع للكنيسة ولكن لكل فرد وجهة نظرة و عشان تبقى انا مسيحى و رافض وجود حسنى مبارك فى الحكم وكمان نفسى يرحل ولكن مع اختلاف الطريقة ولكن هدفى هو رحيله زى اى فرد فى مصر لى وجهة نظر .. ثالثا احنا المسيحين لما طلع منهم كهنة كتير و منهم بردوا ابونا فيلوباتير بيقولوا نعم لحسنى مبارك مش معناه انها استمراره فى الحكم ولكن نعم لبقائه حتى يرجع الاستقرار فى البلد مرة اخرى لان احنا مبنحبش نخاطر برحيل شخص عن طريق الثورة حتى و لو كان هو فاسد احنا مع اعطاء كل ذى حق حقه وليس طرده او اعطائه مدة رئاسة جديدة انا شاب اؤمن بالتغيير و تداول السلطة ولكن باساليب مشروعة و مع سيادة الدستور والقانون عشان متبقاش فوضى كل كم شهر نغير فى رئيس يا حبيبى .. و بقولك لاخر مرة انت ليس لك اى حق ان تتكلم على شخص بشخصه

Amgad 09/02/2011 22:49  

http://www.youm7.com/News.asp?NewsID=349091 ممكن يا حبيبى تقرأ المقال ده و تعرف مين هو ابونا فيلوباتير

Post a Comment

عبر عن رأيك بحرية من خلال خاصية التعليقات . تعليقك يشجعنى على الأستمرار
التعليقات المنشورة تعبر عن آراء أصحابها

Search

Add to Favorites

Share / Save

Share/Save/Bookmark

Recent Visitors

Site Counter

Share it

Alexa Rating

  © Blogger templates The Professional Template by Ourblogtemplates.com 2008

Back to TOP