Maikel Nabil Sanad

21 June 2010

عشرة أسباب تجعل السجن أفضل من الجيش



1- فى السجن مفيش طوابير ، ولا جرى مسافات طويلة ، ولا تدريبات بالذخيرة الحية فيها خطورة على حياتك
2- فى السجن ممكن تعمل أشتراك جرايد ، و تتابع الجرايد المعارضة و المستقلة يوم بيوم ... لكن فى الجيش ممنوع دخول الجرايد ، و وسيلة الأتصال الوحيدة بالمجتمع الخارجى هيا الأذاعة المدرسية ، قصدى الأذاعة بتاعت الجيش ، اللى بتتكلم دايما عن أنجازات مبارك و المشير
3- فى السجن مسموح بالزيارت ، و بييجى لجان حقوق أنسان ، و مراقبين دوليين ، و سفراء أجانب يراقبوا على مستوى الأوضاع جوا السجون ( السراير و الأكل ووو ) ، لكن كل دول ممنوع انهم يراقبوا الجيش
4- السجين بيتعاطف معاه الرأى العام ، و الناس بتبصلة على أنة ضحية لنظام مبارك الفاسد ... بعكس المجند ، اللى الناس بتبصلة على أنة محتاج ينضرب على قفاة علشان يتعلم الرجولة
5- فى السجن مش هيبقى مطلوب منك تعمل حاجات لا أخلاقية من اللى هتضطر تعملها فى الجيش ... مش هتضطر تضرب المتظاهرين السياسيين ، ولا أنك تسرق حاجة مش بتاعتك تنفيذا للأوامر
6- فى السجن ، السجين الأقدم منك ، مش من حقة أنة يديلك أوامر
7- فى السجن ، هتتعرف على أنماط كتيرة فى المجتمع ، مكنتش هتتعرف عليهم أبدا لومكنتش أتسجنت
8- فى السجن ممكن تدفع رشوة للظباط ، و تجيب لابتوب و موبيل و يو أس بى مودم ، لكن فى الجيش مش هتقدر ترشى كل الظباط
9- فى السجن ممكن تكمل دراستك و تعمل ماجستير و دكتوراة ، لكن فى الجيش لأ
10- فى السجن ممكن يدخلولك الكتب اللى عايزها ، تقراها وقت ما تحب ، لكن فى الجيش مش مسموح بدخول كتب

4 comments:

Mahmoud Kefaya Punk,  22/06/2010 11:33  

مش عارف, مين فيهم اللى سجن و مين فيهم اللى جيش

Kontiki 23/06/2010 12:20  

نسيت تكتب يا مايكل ان لو المجند اتقتل فى اى تدريب تقريبا بيدفعوا لاهلة 200 جنية تمن البنى ادم متين جنية فى الجيش
ونسيت تقول ان المجند بيترمى فى الصحرا لا اكل ولا شرب وعطش وذل كان علية غضب من ربنا مش رايح عشان يخدم بلدة
ونسيت تقول ان المجند يبقى شاب ابن ناس ومحترم ومعاه شهادة او صنعه واول ما يدخل الجيش يتحول لخدامة للظابط
اكنس المكتب اعمل طلبات البيت و العيال هات الخضار للمدام وصل البنت الكلية
الجيش شرف للشاب المصرى بس لازم نحترمهم ونوفر طلباتهم عشان يبقى جيش بجد مش مجنديين طالع عينهم وكارهين الدنيا و البلد بسبب التجنيد

Ahmed Zaghloul,  19/01/2011 15:58  

نسيت تقولو ان احنا مالناش حق السفر غير لما نخلص الخدمة الظباطية قصدى العسكرية الى بخدم فيها الظباط مش البلد الخدمة الى مالهاش اى لزمة فى الحياة غير انك تكرة نفسك

Anonymous,  11/04/2011 20:51  

اديك في السجن ياكس امك عشان تبقا تفتح بوقك عالجيش

Post a Comment

عبر عن رأيك بحرية من خلال خاصية التعليقات . تعليقك يشجعنى على الأستمرار
التعليقات المنشورة تعبر عن آراء أصحابها

Search

Add to Favorites

Share / Save

Share/Save/Bookmark

Recent Visitors

Site Counter

Share it

Alexa Rating

  © Blogger templates The Professional Template by Ourblogtemplates.com 2008

Back to TOP